WAÖ-WAÖ WA’ATOHARE DURIA SOMUSO DÖDÖ BA DANÖ NIHA (NIAS)

Samuza ma’ȍkhȍ falukha ira mbanuada ono niha sotȍi Yohane khȍ tuan Ernst Ludwig Denninger, ba da’ȍ izofu-zofu hewisa ba danȍ Niha ba hewisa gamuata niha ba da’ȍ. Bȍrȍ Geheha Ni’amoni’ȍ i’o’ou ia tȍdȍnia (E. Ludwig Denninger) ba we’amȍi ba Danȍ Niha irege ihalȍ gangetula ba wemȍi  ba Dahȍ Niha, ba ofeta ia ba Gunungsitoli me tanggal 27 September 1865.

Medȍfi 1876 ofeta ba danȍ Niha Tuan DR. WH. Sunderman ba fao ira wo halȍwȍ Tuan Kramer irugi dȍfi 1877, ba ba ndȍfi 1878 tefataro ia ba Ndahana ba wanga’i halȍwȍ fanuriaigȍ Taromali Lowalangi ba ba ginȍtȍ da’ȍ i’o halȍwȍ gȍigȍ ya’ia da’ȍ :

Ifa’anȍ mbuku wamaha’ȍ ndaono ba zekola
Ifahaȍ nda Guru sitobali samahaȍ ono zekola
Ifasindo zekola si hulȍ zekola Seminari

 

Me dȍfi 1895 ifasindo zekola Guru Seminari, ba bandȍfi 1897 (2 fakhe wa’ara) ba tamat zi ofȍna sibai da 5 niha ya’ia da’ȍ

Yohane
Sarali
Tomas si otarai Tugala Sirombu
Yonata si’oroi Gunungsitoli
Fetero si’otarai Gumbu Humene
 

Medȍfi 1896 tewu’a ia moroi ba Ndahana isawa Lȍlȍwu’a. Ba ba gotalua wanga’i nia halȍwȍ fanuriaigȍ ba ifa’anȍ mbuku soguna khȍda irugi ma’ȍkhȍ ande ya’ia da’ȍ :

a. Buku agende
b. Lala wangorifi
c. Katekhismus Luther
d. I’bali’ȍ ba li nono Niha Mbuku Daromali Lowalangi

Medȍfi 1900 ba tefawu’a Zekola Seminari andȍ te’ohe ba Gombȍlata bȍrȍ wȍkhȍ sabȍlȍ-bȍlȍ ba Gumbu Humene. Sekola Guru Seminari andȍ tebe’e Tȍinia Seminari Ombȍlata me tanggal 30 Desember 1900. Hari Minggu bȍzi 4 tanȍ owi irȍi gulidanȍ tuan Tomas, ba teko’o ia ba zinga gosali Gumbu Humene.

Medȍfi 1912 tohare duria somudo dȍdȍ ba mbanua Onolimbu Lahȍmi, ni’ohe Pdt. H. Lagemann ba Pdt. Alett.

Medȍfi 1914 tohare duria somuso dȍdȍ ba mbanua Zitȍlubanua ba ba Ndaonogaila.

Medȍfi 1915 ba alua wangesa dȍdȍ sabȍlȍ-bȍlȍ ba Gumbu Humene me aefa wemanga gȍ ni’amoni’ȍ.

Ba ndȍfi si 1922 te’orudugȍ Distrik Tugala Oyo ba Lawelu. Ba ba ndȍfi 1924 te’orudugȍ Distrik Lȍlȍwa’u faoma Distrik Lahȍmi ba Lawelu, ba i’otarai ndȍfi da’ȍ tehonogȍigȍ sambua Resort Lawelu irugi ndȍfi 1950.

I’otarai ndȍfi si 1950-1974 Distrik Lahȍmi berpusat ba Wulȍlȍ ba sangai halȍwȍ fanuriaigȍ ba da’ȍ ba daȍfa niha falali-lali Pendeta ya’ia da’ȍ :

a. Pendeta Faozȍnda Dawȍlȍ
b. Pendeta Sinufa Harefa
c. Pendeta Dalini Mendȍfa
d. Pendeta Sarombȍwȍ  Daeli (Ama Gilo Lasara Sebua)

Ba ndȍfi 1950 nahia nda Pendeta ba Distrik Lahȍmi tefawu’a moroi ba Wulȍlȍ te’ohe ba Ndaonogaila ba sangai halȍwȍ i’otarai ndȍfi 1950-1975 ya’ia da’ȍ :

a. Pendeta Dalimanȍ Hia (Ama Haogȍ Tugala Lahȍmi)
b. Pendeta Lida’aro Mendȍfa (Ama Lisana)
c. Pendeta Fatou’ȍsa Harefa (Ama Wȍna)
d. Pendeta Ama Anieli Lase
e. Pendeta Tahadȍdȍ Harefa (Ama Eben)
f. Pendeta Tasumani Waruwu
g. Pendeta Hamonangan Harefa (Merangkap Resort Lawelu)

Ba ndȍfi 1975 tobali dombua Distrik ba tefawu’a dȍi tobali Jemaat ya’ia da’ȍ : Jemaat Lahȍmi berpusat ba Ndaonogaila fa’oya Filial meluo da’ȍ 11 Filial, ba sambua Jemaat Sirombu berpusat ba Wabaliwa fa’oya Filial 9 Filial ba sambua KKP Hinako.

Sangai halȍwȍ fanuriaigȍ ba Jemaat Lahȍmi i’otarai ndȍfi 1975-1993 ya’ia da’ȍ :

a. Pendeta Th. Nazara (Ama Fika)
b. Pendeta Daliziduhu Gulȍ, Sm.Th
c. Pendeta Faigi’aro Lase (Ama Heni)

Sangai halȍwȍ fanuriaigȍ ba Jemaat Sirombu i’otarai ndȍfi 1975-2003 :

a. Pendeta So’ȍlȍfȍna Manaȍ, Sm.Th
b. Vikar Yohanes Lien
c. Pendeta Daliziduhu Gulȍ (Pendeta Distrik Lahȍmi)
d. Pendeta Td. Zandoto, S.Th
e. Pendeta Fg. Lase (Pendeta Distrik Lahȍmi)
f. Vikar Foluaha Badaya, B.Th
g. Pendeta Ms. Waruwu
h. Pendeta H. Zega, S.Th
i. Pendeta S. Gulȍ, S.Th

Me tanggal 13 Januari 1994 jemaat Lahȍmi tefawu’a dȍi tobali Distrik Lahȍmi, fa’oya jemaat meluo da’ȍ 12 jemaat.

Sangai halȍwȍ fanuriaigȍ i’otarai ndȍfi 1994-2006 ya’ia da’ȍ :
a. Pendeta Budiman Laowȍ, S.Th
b. Pendeta Masrita Harefa, Sm.Th (Pendeta Fungsional)
c. Pendeta Hosea Daeli, S.Th (Moroi ba Lȍlȍwa’u Lahȍmi)
d. Guru Jemaat Ama Misari Daeli (Moroi ba Nonowaembo Lahȍmi)
e. Pendeta Ar. Geya (Ephorus BNKP)
f. Vikar Adrianus Lase, S.Th
g. Pendeta Faigidȍdȍ Harefa, S.Th (Ama Elfa) moroi ba Namȍhalu
h. Pendeta Ana Telaumbanua, S.Th
i. Pendeta Arozato Telaumbanua, S.Th

Bangunan Gedung Gereja BNKP Onolimbu no mufuli mu’otomosi ba tenȍnȍ wa’ebua, ba Fanolo Lowalangi me tanggal 19 Desember 2004 ba mutahbiskan (te’amoni’ȍ) Gedung gereja BNKP Jemaat Onolimbu Distrik Lahomi.

Me tanggal 17 Desember 2006 fabali ba Distrik Lahȍmi, sambua Distrik ita, ya’ia da’ȍ Distrik Reformasi, ba Pendeta Distrik Reformasi meluo da’ȍ Pendeta Elifati Zalukhu, S.Th. Ba meluo da’ȍ gȍi tefalua peletakan batu pertama ba rumah Dinas Pendeta Distrik BNKP Reformasi oleh Ephorus BNKP (Pdt. Ar. Geya).

Sinenge/Guru Jemaat sino pernah melayani ba jemaat BNKP Onolimbu i’otarai tahun 1912-2009

1. Guru jemaat Ama Danda Zebua, moroi ba Waekhu
2. Guru jemaat Ama Zȍkhi Harefa, moroi ba Gombȍlata Seminari
3. Guru jemaat Ama Zangalui Daeli, moroi ba Lasara Sebua
4. Plt. Guru jemaat Fabȍ’ȍ khȍu Duha, moroi ba Hili Simaetanȍ Telukdalam
5. Guru jemaat Ama DanȍDaeli, moroi ba Nonolimbu Lahȍmi
6. Guru jemaat Ama Lata Daeli, moroi ba Nonolimbu Lahȍmi
7. Guru jemaat Ama Zuriba Daeli, moroi ba Nonolimbu Lahȍmi
8. Guru jemaat Ama Sudi Daeli, moroi ba Lolowa’u Lahȍmi
9. Guru jemaat Ama Misari Daeli, moroi ba Nonowaembo Lahȍmi
10. Guru jemaat Ama Sozi Daeli, moroi ba Lasara Sebua Lahȍmi
11. Guru jemaat Ama Uzi Hia, moroi ba Ndaonogaila 

So goi darua zinenge moroi ba anggota gereja / jemaat BNKP Onolimbu zi tobali sinenge ba Gereja / Jemaat di luar Jemaat BNKP Onolimbu :

1. Guru Jemaat Sokhi’atulo Daeli (Ama Rosedi Daeli)
2. Guru Jemaat Folo’o Daeli (Ama Seka Daeli)

Me tanggal 26 Agustus 2007, peresmian Rumah Dinas Pendeta Distrik Reformasi oleh Ephorus BNKP (Pdt. Kalebi Hia, M.Th)

Me Tanggal 2 Juni 2008, tefasindro  SMK Swasta Reformasi nidȍnia’ȍ Majelis Jemaat BNKP Onolimbu Distrik Reformasi, ba fao fefu mbanua Niha Keriso sato, ba 2 wawa aefa da’ȍ terbentuk Yayasan Pendidikan Reformasi dengan pengurus : Sokhiatulo Daeli sebagai Ketua, Abiudin Daeli sebagai Sekretaris dan Ya’edȍdȍ Daeli sebagai Bendahara serta Kharasi Daeli, S.Sos sebagai Kepala Sekolah SMK Swasta Reformasi ba me tahun 2010 SMK Swasta Reformasi tobali Negeri yang diresmikan oleh Bapak Pj. Bupati Nias Barat atas nama Faduhusi Daely, S.Pd

Me tanggal 3 Mei 2009, pindah Pdt. Elifati Zalukhu, S.Th ba fao gȍi wa la lebur Distrik tebe’e tȍi Resort. Ba ba ginȍtȍ da’ȍ gȍi tefataro Pendeta Jemaat sibohou ya’ia da’ȍ Pdt. Masieli Zendrato, S.Th sebagai pendeta Jemaat BNKP Onolimbu Lahȍmi.

Me Tanggal 4 April 2010, no tefalua wanou’ȍ Kara Sifȍfȍna Gedung SM Jemaat BNKP Onolimbu oleh Ephorus BNKP (Pdt. Kalebi Hia, M.Th)

Ba wo penuhi 10 (fulu) jemaat enaȍ tobali sambua Resort,  maka jemaat BNKP Onolimbu dimekarkan menjadi 3 jemaat ya’itu :

1. BNKP Jemaat Onolimbu (Sebagai Jemaat Induk)
2. BNKP Jemaat Persiapan Bukit Sion, ba no mufataro Guru Jemaat :
1) Guru Jemaat Yohane Hia (Guru Jemaat Pertama)
2) SNK. Faulumbowo Daeli (Plt. Guru Jemaat)
3. BNKP Jemaat Maranatha, ba no mufataro Plt. Guru Jemaat : SNK. Simesono Daeli.

Tanggal 1 Agustus 2010, diresmikan/dikukuhkan satu Resort di Ibu Kota Kabupaten Nias Barat ya’itu Resort 53 BNKP, yang berpusat di Onolimbu Lahȍmi dan Plt. Praeses waktu itu adalah  Ephorus BNKP atas nama Pdt. Kalebi Hia, M.Th.

 Tȍi-tȍi Jemaat anggota Resort 53 BNKP ya’itu :

1. BNKP Jemaat Onolimbu
2. BNKP Jemaat Hiliwase
3. BNKP Jemaat H.Lageman
4. BNKP Jemaat Lahagu
5. BNKP Jemaat Taraha
6. BNKP Jemaat Sitȍlubanua Hilimbȍwȍ
7. BNKP Jemaat Betania, Lȍlȍwa’u Lahȍmi
8. BNKP Jemaat Fulȍlȍ Tetehȍsi
9. BNKP Jemaat Persiapan Bukit Sion, Onolimbu
10. BNKP Jemaat Persiapan Maranahta, Onolimbu.
11. BNKP Jemaat Persiapan Faomasi

Me tanggal  12 September 2010, tebȍrȍtaigȍ Kebaktian Pagi ba BNKP Jemaat Onolimbu Lahȍmi yang diprakarsai Komis Pemuda BNKP Jemaat Onolimbu.

I’otarai meno tobali ita sambua Distrik simanȍ gȍi tobali Resort, bano daȍfa Pendeta zi melayani khȍda ba Gosali andre :

1. Pdt. Elifati Zalukhu, S.Th ( Pendeta Distrik )
2. Pdt. Masieli Zendrato, S.Th ( Pendeta Jemaat )
3. Pdt. Sama’aro Harefa, S.Th ( Pendeta Jemaat )
4. Pdt. Setiaman Zega, S.Th (Pendeta Jemaat)

I’otarai meno tobali ita sambua Distrik simanȍ gȍi tobali Resort, ba Vikar si no melayani khȍda ba Jemaat andre ya’ia da’ȍ :

a. Vikar Kedua  : Famataro Waruwu, S.Th (tahun 2011)
b. Vikar Pertama : Ondrasi Gea, S.Th (tahun 2012)
c. Vikar Pertama : Niat Sabda Seprianus Zega, S.Th (tahun 2018)
d. Vikar Pertama : Martarita Zȍrȍmi, S.Th (tahun 2019).
e. Vikar Kedua : Yadi Martanti Telaumbanua (tahun 2020)

Simanȍ gȍi wa no daofa Calon Vikar (Akta Kependetaan) si no melayani khȍda ba jemaat andre :

1. Oscar Manao, S.Th
2. Wartini Wa’u, S.Th
3. Dewilina Gulȍ, S.Th.
4. Calvin Perlindungan Zendrato, S.Th

Bȍrȍ wa’ebua dȍdȍ ba fa’omasi Lowalangi khȍda ba Resort 53 BNKP khususnya khȍda ya’ita jemaat BNKP Onolimbu, ba me no 100 fakhe gȍi  no irugi khȍda Turia Somuso Dȍdȍ ba Nonolimbu andre, no ibe’e wahasara dȍdȍ ba no i’osambua’ȍ gera’era nda Enoni Lowalangi ba zisambua BNKP ya’ia wa lafalua Persidangan Majelis Sinode BNKP ke-56 tanggal 3-8 Juli 2012, ba BNKP Jemaat Onolimbu dan salah satu hasil keputusan Persidangan Majelis Sinode meluo da’ȍ adalah pemilihan Pimpinan BNKP, ya’itu :

1. Pendeta DR. Tuhoni Telaumbanua, M.Si : terpilih sebagai Ephorus
2. Pendeta Dorkas Orienti Daeli, M.Th : terpilh sebagai Sekretaris Umum BNKP
3. Pendeta Helu’aro Zega, S.Th : terpilih sebagai Bendhara Umum BNKP
4. Pendeta Otoriteit Dachi, S.Th.,M.Si : terpilih sebagai Ketua BPMS
 

Bȍrȍ meno irugi inȍtȍ wa’a pensiun Plt. Praeses Resort 53 BNKP Pdt. Kalebi Hia, M.Th (Mantan Ephorus BNKP), ba tetuyu ganti nia sebagai Plt. Praeses Resort 53 BNKP, Ya’itu da’ȍ Pdt. Masieli Zendratȍ, S.Th

Sebagai janji iman mbanua Niha Keriso ba Jemaat BNKP Onolimbu andre tefosindro gereja BNKP Bukit Sion ya’ia ba wo penuhi satu Resort harus 10 Jemaat. Bȍrȍ wa’omasi ba fa’ahakhȍ dȍdȍ Zo’aya ya’ita Yesu Keriso, no  ibe’e wahasara dȍdȍ ba fahasambua gera-era, he khȍnda Bapak/Ibu Majelis Jemaat ba he khȍra Tokoh Agama ba tȍra-tȍra sa’ae ba mbanua Niha Keriso fefu, irege notola tefalua peletakkan batu pertama ba gedung gereja BNKP Bukit Sion me hari Minggu tanggal 25 Agustus 2013, oleh bapak Ephorus BNKP (Pdt. DR. Tuhoni Telaumbanua, M.Si), bapak Bupati Nias Barat (A. Aroziduhu Gulȍ, SH, MH) bapak Wakil Bupati Nias Barat (Hermit Hia, S.IP) bapak Sekretaris Daerah Nias Barat (Zemi Gulo, SH) ba tanȍ bȍ’ȍnia.

Halȍwȍ khȍda ba jemaat tahun 2014, ya’ia wano teletakkan batu pertama ba gedung gereja jemaat Persiapan BNKP Maranatha Onolimbu me hari Jumat tanggal 28 Maret 2014 oleh Bendahara Umum BNKP Pendeta Helu’aro Zega, S.Th, Bupati Nias Barat (A. Aroziduhu Gulȍ, SH, MH), Sekda Nias Barat (Zemi Gulo, SH), ba tanȍ bȍ’ȍnia, ba notetohugȍ halȍwȍ ya’ia peletakkan batu pertama ba malige / menara gereja BNKP Persiapan Maranatha me tanggal 17 Juni 2016, oleh Plt. Praeses 53 BNKP Pdt. Sama’aro Harefa, S.Th, Bupati Nias Barat Faduhusi Daely, S.Pd, ba tanȍ bȍ’ȍnia.

Bȍrȍ meno irugi inȍtȍ periode Pendeta BNKP Onolimbu, atas nama Masieli Zendratȍ, S.Th, bano labe’e gantinia Pdt. Sama’aro Harefa, S.Th sekaligus sebagai Plt. Praeses Resort 53 BNKP irugi iada’a, serah terima me hari Minggu tanggal 8 Maret 2015.

Ba ginȍtȍ wanȍrȍ tȍdȍ 150 fakhe duria somuso dȍdȍ ba danȍ niha me dȍfi 2015 (Jubelium), tefalua lomba Maena antar Resort se BNKP ba Rayon 5 ba Gosali BNKP Jemaat Onolimbu.

Bȍrȍ wa ebua dȍdȍ Lowalangi ba faomasi nia khȍda khusus yaita BNKP Jemaat Onolimbu, no itehegȍ khȍda ginȍtȍ bawo mbȍrȍgȍ Kebaktian BNKP Jemaat Bukit Sion Onolimbu Resort 53 me Minggu tanggal 23 Oktober 2016 oleh Ketua BPMS BNKP atas nama Pdt. Richter Dakhi, M.Si, baginȍtȍ da’ȍ gȍi ba tefalua puncak Perayaan Misi dan Reformasi ke-151 tahun, me luo da’ȍ so gȍi Bupati Nias Barat ( Faduhusi Daely, S.Pd) ba undangan tanȍ bȍ’ȍnia.

Ba wamalua Perayaan Misi dan Reformasi ba Jemaat BNKP Onolimbu i’otarai tahun 2016 irugi iada’a ba no mufalua Kunjungan Keluarga si fao fama’ema Taromali Lowalangi ba fangandrȍ salahi Keluarga.

Fanolo Lowalangi me Sidang Sinode BNKP ke-58 tanggal 5-9 Juli 2017 nifalua ba jemaat Yubelium Hilimaziaya Resort 31 BNKP ba salah satu keputusan meluo da’ȍ bano tefili Pimpinan BNKP khȍda masa pelayanan 2017/2022 ya’ia da’ȍ :

1. Pdt. DR. Tuhoni Telaumbanua, M.Si  : terpilih sebagai Ephorus BNKP
2. Pdt. Dorkas Orienti Daeli, M.Th  : terpilih sebagai Sekretaris Umum BNKP
3. Pdt. Helu’aro Zega, S.Th  : terpilih sebagai Bendahara Umum BNKP
4. Pdt. Tehesȍkhi Baene, S.Th  : terpilih sebagai Ketua BPMS

Ba ndrȍfi si 2019 ba no mufalua Renovasi gedung Gereja bagian atap (seng, bȍrȍ da’ȍ ba hasara dȍdȍ Panitia ba Majelis Jemaat BNKP Onolimbu ba wamalua Aksi Dana / Aksi Lelang ba Luo Minggu, 28 Juli 2019 ba siso ba ginȍtȍ da’ȍ : Bupati Nias Barat (Faduhusi Daely, S.Pd), Sekretaris Daerah Kabupaten Nias Barat (Prof. Dr. Fakhili Gulo, MSc), ira Kepala OPD ba undangan tanȍ bȍ’ȍnia ba owulo gefe / sumbangan ba ginȍtȍ da’ȍ Rp. 102.000.000,00 ( Otu a Dua Juta ) ba tetohugȍ ba wamazokhi plafon ba so gȍi dukungan moroi ba Pemerintah Kabupaten Nias Barat fa’ebua Rp. 100.000.000,00 ( Otu Juta ) inȍnȍ sumbangan moroi ba Warga Jemaat.  Simanȍ gȍi wangehaogo salo (lantai) Gosali sifake Keramik Granit ba he ba wamagamȍi Mimbar Gereja  sibohou ba no mutuyu zondronia’ȍ ba wo wanga’asogȍ Keramik Granit si fao Mimbar Gereja, Ketua Tim : Bupati Nias Barat (Faduhusi Daely, S.Pd) ba so anggota Tim tanȍ bȍ’ȍnia. Bȍrȍ wa’ahakhȍ dȍdȍ Lowalangi ba no mu’ȍli keramik Granit fa;oya 550 kotak ba 2 ( dombua ) mimbar Gereja. Me luo Minggu, 25 Oktober 2020  no tefalua Fangandrȍ ( Do’a Bersama) ba wondrundrugȍ Mimbar Satua ba mubȍrȍtaigȍ gȍi wangoguna’ȍ Mimbar Sibohou. Siso ba ginȍtȍ da’ȍ : Bupati Nias Barat, Pendeta Jemaat BNKP Onolimbu, Majelis / BPMJ BNKP Onolimbu, Tokoh Warga Jemaat, Panitia ba Undangan tanȍ bȍ’ȍ.

Bȍrȍ me so Pandemi Korona (Covid-19), molo’ȍ sura BPHMS BNKP wa i’otarai Minggu 29 Maret 2020 irugi tanggal 24 Mei 2020 ba no tefalua Kebaktian/Ibadah ba nomo warga jemaat BNKP Onolimbu me tebai mufalua Kebaktian/Ibadah ba Gosali. Pendeta Jemaat BNKP Onolimbu Pdt. Sama’aro Harefa, S.Th ba Vikar Jemaat Yadi Martanti Telaumbanua, S.Th no lahalȍ halȍwȍ pelayanan ba wanȍrȍi omo warga Jemaat ba wama’ema Taromali Lowalangi.

Bȍrȍ me no irugi inȍtȍ periode Pendeta Jemaat BNKP Onolimbu atas nama Pdt. Sama’aro Harefa, S.Th, ba no labe’e gatinia bapak Pdt. Setiaman Zega, S.Th, serah terima me luo Minggu tanggal 13 September 2020. Ba ginȍtȍ da’ȍ gȍi tefalua Serah Terima Pendeta Resort 53 BNKP, Plt. Praeses 53 Pdt. Sama’aro Harefa, S.Th, ba labe’e gatinia Pdt. Eliudi Zai, B.Th sitobali Praeses 53 BNKP defenitif.

Ba Gereja BNKP Persiapan Bukit Sion – Onolimbu ba no mufalua Natal Umum ( Bongi Ni’amoni’ȍ) sifȍfȍna me luo Minggu, tanggal 3 Januari 2021. Sama’ema Taromali Lowalangi ba Ginȍtȍ da’ȍ : Pdt. Miseria Daeli, S.Th.

Bawotundreheni Kegiatan Pembangunan Gedung Gereja BNKP Persiapan Maranatha-Onolimbu ba no mufalua Ibadah Bersama Perayaan Paskah sekaligus Aksi Dana ba Lokasi Gereja BNKP Persiapan Maranatha me luo Jumaha, 9 April 2021 ni donia’ȍ Panitia Pembangunan Gedung Gereja BNKP Persiapan Maranatha - Onolimbu. Siso baginȍtȍ da’ȍ : Bupati Nias Barat, Sekretaris Daerah, Ira Staf Ahli Bupati,  Asisten Sekda, Pimpinan OPD, Praeses 52 BNKP, Pendeta Jemaat  Onolimbu sebagai Pengkhotba, Ira Guru Jemaat , Majelis / BPMJ BNKP Onolimbu, BPMJ BNKP Pers. Maranatha – Onolimbu ba Undangan tanȍ bȍ’ȍnia. Owulo dana ba ginȍtȍ da’ȍ faebua Rp. 40.000.000,- (Empat puluh juta rupiah ).

Me luo Rabu, 11 Agustus 2021 tebe’e yawa  Rofa Malige Gosali BNKP Persiapan Bukit Sion. Siso ba ginȍtȍ da’ȍ : Pendeta Jemaat BNKP Onolimbu, Ira Guru Jemaat,  Majelis Jemaat / BPMJ BNKP Onolimbu, BPMJ BNKP Pers. Bukit Sion-Onolimbu, Ira Tokoh Warga Jemaat. Panitia Pembangunan Gedung Gereja BNKP Pers. Bukit Sion – Onolimbu ba Undangan Tano bȍ’ȍ nia.

Me tanggal  17 Oktober 2021, tefataro Pendeta Fungsional BNKP Jemaat Onolimbu ya’ia da’ȍ Pdt. Agus Kurniawati Harefa, S.Th, tefaudu ba wamalua acara Puncak Perayaan Misi dan Reformasi Jemaat Tahun 2021.

Ba Perayaan Paskah Jemaat BNKP Onolimbu tahun 2022, ba ginȍtȍ wamalua Kebaktian Kamis Putih tefalua si’ofȍna si'ai wanasa ahe mbanua niha keriso ira enoni Zo’aya khili-khili me isasai gahe ndra nifahao-Nia So’aya yai’ta Yesu Keriso.

Fanolo Lowalangi no tefalua Sidang Sinode BNKP ke-60 tanggal 6-10 Juli 2022 nifalua ba Jemaat Kota Gunungsitoli Resort 1 BNKP ba salah satu keputusan wa no tefili Pimpinan/boto zondrȍnia’ȍ BNKP khȍda masa pelayanan 2022/2027 ya’ia da’ȍ :

Pdt. Otoriteit Dachi, S.Th.,M.Si : terpilih sebagai Ephorus BNKP
Pdt. Ya’aman Zega, S.Th.,M.Min : terpilih sebagai Sekretaris Umum BNKP
Pdt. Fonaso Mendofa, S.Th : terpilih sebagai Bendahara Umum BNKP
Pdt. Oklisman Gulo, S.Th.,M. Min., MM : terpilih sebagai Ketua BPMS

Modane-dane ba gangetula persidangan Majelis Jemaat nifalua luo Minggu 17 Juli 2022, sambau gangetula wa Minggu 3 November  1912 tehonogȍi tobali luo mbȍrȍta wa’atohare duria somuso dȍdȍ ba mbanua Onolimbu ma luo memosindro Gereja BNKP Jemaat Onolimbu simanȍ wa tehonogȍi tobali luo fanȍrȍtȍdȍ memusindro Gereja (Hari Ulang Tahun Gereja) BNKP Jemaat Onolimbu ero-oro rȍfi.

Simanȍ wa’atohare duria somuso dȍdȍ khȍda ba Danȍ Niha ande tanȍ ba Gaekhula, ba tȍra-tȍra khȍda ba BNKP Jemaat Onolimbu ande, no sa’ae 157 fakhe irugi ia da’a, bano gȍi 110 fakhe meno musindo gosali khȍda ba BNKP Onolimbu. Yamutolo ita So’aya, Saohagȍlȍ.

Download

Sumber : BNKP Onolimbu